अभंग – Chale He Sharir Konachiye Satte | चाले हे शरीर कोणाचिये सत्ते | वारकरी सांप्रदाय पारंपारिक चाल by Rutuja Sunil Khandbahale
चाले हे शरीर कोणाचिये सत्ते |
कोण बोलवितें हरीवीण || १ ||
देखवी ऐकवी एक नारायण |
तयाचें भजन चुकों नको || २ ||
माणसाची देव चालवी अहंता |
मीचि एक करता म्हणों नये || ३ ||
वृक्षाचेही पान हाले त्याची सत्ता |
राहिली अहंता मग कोठें || ४ ||
तुका म्हणे विठो भरला सबाह्य |
उणें काय आहे चराचरीं || ५ ||
Singer : ऋतुजा सुनिल खांडबहाले
Master : गुरुवर्य डॉ. श्री. किसन महाराज साखरे